أحن قلب

احن قلب في الدنيا قلبك                                                  انتي يا امي 
وأغلى حب في الدنيا حبك                                                  انتي يا امي 
ربيتي اختي كبرتي أخويا                                       تعيشي ليا انتي وابويا 
انتي يا امي انتي يا امي

حبك يا امي يجري في دمي                              وكل غالي يرخص عشانك
سهرتي جنبي وشلتي همي                                وكل ما أكبر يكبر حنانك
وتسعديني دايما في قربك                                 انتي يا امي انتي يا امي

ربيتي اختي كبرتي اخويا                                  تعيشي ليا انتي وابويا
انتي يا امي انتي يا امي

انا اسمي غنوة على شفايفك                            وانتي اسمك في قلبي غنوة
وكل لحظه بيبان لي عطفك                               في كلمه حلوة ودعوة حلوة
والدعوة منك يسمعها ربك                                    انتي يا امي انتي يا امي 
احن قلب في الدنيا قلبك                                                  انتي يا امي 
واغلى حب في الدنيا حبك                                                  انتي يا امي 
ربيتي اختي كبرتي اخويا                                       تعيشي ليا انتي وابويا
انتي يا امي انتي يا امي

أوبريت تحيا مصر

أوبريت تحيا مصر

غناء الأطفال 

في حفل أفتتاح قناة السويس الجديدة

6-8-2015 

كلمات: تامر حسين

ألحان : عمرو مصطفي

توزيع : أحمد الموجي

بلادي.. بلادي.. نشيد بقوله كل يوم وأنادى

باسمك أنتي والعالم قصادى.. يا عمري كله يا شهادة ميلادي

فداكي.. حياتي.. يا حب عايشه جيل من بعد جيل

تحيا مصر.. كلمة قالها كل مصري بانتصاره

تحيا مصر.. وكل جندي عاش لها ليله ونهاره

هتنادينى هتلاقينى تحت أمرك

عمري مش هيسوى حاجة جنب عمرك

أنتي أغلى حاجة عندي.. حب واصل منتهاه

حفرنا.. وقلنا.. نتحدى أي صعب في النهاية

أخلصنا في العمل وفى النوايا

وأدى القناة دي أول البداية

ولادك.. شبابك.. هيشيلوا عنك الحمل التقيل

تحيا مصر.. كلمة قالها كل مصري بانتصاره

تحيا مصر.. وكل جندي عاش لها ليله ونهاره

هتنادينى هتلاقينى تحت أمرك

عمري مش هيسوى حاجة جنب عمرك

أنتي أغلى حاجة عندي.. حب واصل منتهاه

تعالوا .. وشوفوا .. هدية مصر للعالم بحاله

لو رايح ولّا جاى سهلناها له

بالوقت والمسافة حسبناها له

تحيا مصر.. كلمة قالها كل مصري بانتصاره

لتحميل الأغنية 

أضغط هنا 

عشرة علي عشرة

كلمات أغنية عشرة علي عشرة

غناء محمود العسيلي

و

كارمن سليمان 

 في حفل افتتاح قناة السويس الجديدة

أحلامنا دي كلها ببساطة

لبلدنا من قلبنا نابعة 

مش وقت ناس رتمها تا تا تا

دي وقت ناس صاحية ومتابعة

أحلامنا دي كلها ببساطة

لبلدنا من قلبنا نابعة 

قلناها للدنيا علي بلاطة

ومصر حرة ومش تابعة

دي مصر حرة ومش تابعة

ومصر حرة ومش تابعة

العين علي بلادنا الليلة

اقرأ الخبر تابع النشرة

و عشان نشوف مصر جميلة

أحلامنا قدامنا مباشرة

العين علي بلادنا مباشرة

في العادي عايشنها برنسات

في الوقت ده جيوش منتشرة

في الوقت ده جيوش منتشرة

كتاف جيرانا في كتا فنا

جدعان وعاملين بالعشرة

واحد وأيه هيخوفنا

لا دين فرق ولا لون بشرة

ده المصري طول عمره معلم

والشعب عشرة علي عشرة

والشعب عشرة علي عشرة

تعابين كتير حوالينا ناموا

وفات ده عاموا

بس الحقيقة أجارك الله

لما الفراعنة فاقوا وقاموا

معروفة كل ما تيجي ضيقة

لازم وراها بتيجي بشرة

كتاف جيرانا في كتا فنا

جدعان وعاملين بالعشرة

واحد وأيه هيخوفنا

لا دين فرق ولا لون بشرة

ده المصري طول عمره معلم

والشعب عشرة علي عشرة

والشعب عشرة علي عشرة

لتحميل الأغنية أضغط هنا